Vorsicht, Dialekt (saalännisch)
Das doo,das is e lang Geschichd,
wie ich mei Liebche hann gegrischd:
Am schähne Moije, nimmand wääß , wieso,
war doch das Diehr uf äämool doh.
Es had gegreind und had gescherrd:
hann ich die Deer hald uffgesperrd.
Ach hads geluhd so fein, so zahd -
had nur uf mich so lang gewahd!
Es war noch jung, ich hans gesieh:
noch klään und schnugglich, das arm Vieh.
Ich han hald uff mei Herds geheerd,
das Dierche in die Kich gefehrd...
e Deller Milch, e Flääsch, e Stiggche Brohd..
(das Ding hat jo gerabbeld in de Nohd)..
das war em fein, das war em rechd,
had faschd es Peedche gebb, ach, Du mei Knechd!
Wie wanns ma werglich danke wolld.
Hanns dann aa uff de Arm gehold.
Ach, wie war das weich un pelzich!
Fühle konnt ich' s Herz so schmelzich!
Seidem isses doo, will nimmi weiche.
Fangt mei Meis, die Migge un dergleiche,
hied die Deer, piebst Bello weg...
un sellwer machds mer gar kää Dregg...
Ringeld sich am Ohwed als
weich und kuschlich um mei Hals.
Loßd sei Gralle meischdens drin,
weil ich (grallemäßich) so empfindlich bin.
Gehd mid ins Bedd. Leid uffem Kisse..
had ähnmol nur ins neischte Buch gebisse...
Ach, es ismer wie die Hand am Leibche!
Es is mei Heidruhn, is mei Raddeweibche!
©
Thema: Zugeloff (Gelesen 905 mal)